Mir Neustadto
Mir Neustadto, mir senn, des kaa mo ruhich gsouch,
in jedo Beziehung a ganz bsondro Schlouch.
Die Bsondoheit, die fängt scho beim Assn aa,
denn süßa Scheubola, die kriechsta blouß in Neustadt, guto Maa.
Aa Gwatschgos-Brei un Zamott is a Spezialität,
die gibt’s, wenn übohaupt – nur in Neustadt an do Hääd.
Un dann noch wos bsondosch, es Neustadto Gomüt,
des ist rau aber herzlich, wie mosch bei jedn echtn Neustadto sieht.
A Neustadto, wenn dir es „Buckl-nauf-steichn“ hässt,
dar me-it des aa su, nur des dos wässt !
Unnora Neustadto Ausdrück, die senn a ganz bsondra Sach,
die kaa mo an Frema net bogreuflich gomach.
Erklär amol „Welgo-Huolz“ odo „Faado-Küss“,
odo me-ist du, des a Coborcho wäss, wos „Lähmoläck“ is ?
Un unnora Bsondoheitn, die gam mir net auf,
un wos mir aufn Herzn ham, des losn mir naus.
Aa wenn uns mancho su racht net vostett,
des is grad des schö-ina, unno Spezialität.
Mir bleim wie mo senn, dou kaa E-ino gsouch wos ar mouch,
denn mir Neustadto worn scho ümmo a ganz bsondro Schlouch !!
Hanne Büchner