Weihnachten 2024

Sehr geehrte Siedlerfreunde, liebe Mitglieder!

Die Vorstandschaft der Siedlergemeinschaft Germannsdorf wünscht Ihnen und Ihren Angehörigen ein friedvolles, besinnliches Weihnachtsfest und für 2025 viel Gesundheit, Glück und Wohlergehen!

De staade Zeit

Schö staad wirds laar, draußt aufm Feld,
de hoaße Summasunn werd muid, (mild)
de Blattlbaam werdn gelb und rot
und d`Bleame sterbn scho, drobn am Schrot.
Da Nebe rauft oft mit da Sunn
und `s erste Eis hängt scho am Brunn,
der Tog hat nimmer vui zum sagn,
er muaß de lange Nacht datragn.
De Felder liegn im Schlaf und Draam,
de letztn Lauwa falln vom Baam,
d`Wies is scho voll Reif und Eis
und hie und da der Woid scho weiß.
Im Hoiz draußt hört ma jetza d´Sog
und dazua an Hockaschlog,
koa Vogerl singt, koa Gickerl kraht,
staad is drauß´n, mäuserlstaad.
De ganz Natur liegt in da Ruah,
es geht schö staad auf d`Weihnacht zua.
Mir Leut werdn aa jetzt wia d`Natur,
mia suachan d`Wärm und suachan d`Ruah.
Müad san ma vo da Hetz der Zeit,
drum suach ma d`Ruah und d`Hoamlichkeit.
Oft is hoid oan ums Herz so schwaar,
de Welt is laut, doch `s Herz bleibt laar,
es fragt oft nachm Sinn vom Lebn,
soi d`Weihnacht uns de Antwort gebn?
Vielleicht fallt uns de Antwort ein
beim Kripperl und beim Kerzenschein.
Dös wenn waar, dann waar für d`Leit
a Wunder gschehgn zur staadn Zeit"
(Aus Niederbayerische Weihnacht
vom Ponzauner Wigg)
­